Sero Pita – Diabierna anochi algo pasa di 10’or polis a bay crusada di Sero Pita, unda un accidente a sosode y tim basta daño material.
Na yegada di polis nan a constata cu tawata tin tres auto envolvi.
A resulta cu un di e chauffeurnan tawata burachi, y e ta esun cu a causa e accidente.
Na e sitio polis a wordo informa cu e pick up maneha pa e chauffeur burachi tawata biniendo for di Tamarijn, y tawata bayendo Sero Pita.
Door cu e ta burachi, ela hala na su man robes y ta dal un Honda CRV y despues ta sigui core y bolbe hala na su man robes, y e biaha aki ela dal un Nissan March. E ultimo impacto tawata uno basta duro, cu e manda e Nissan March bay pega den mondi.
E chauffeur di edad di e pick up S10 a keda deteni. Tranportwagen a ser pidi y a hiba homber warda di polis, unda elo mester pasa un test di alcohol.
