Santa Cruz – Diaranson tawata prome dia di e sistema nobo pabo por haya Rijbewijs. E ta e sistema digital.
Pues manera por mira ariba e potretnan, bo ta haya mesanan Laptops. Na cada mesa tin dos candidato, cu lo mester contesta e preguntanan.
Supuestamente e sistema aki ta pa acelera e proceso pabo por haya bo Rijbwijs. E sistema anterior tawata causa un lista largo di hende cu mester a warda basta.
Mester bisa cu ariba prome dia esaki no a bay nada bon. Sesenta candidato tawata tin, pero 55 so a presenta. Di e 55 solamente 4 a slaag.
Segun nos tin entendi e candidatonan tawata sa e examen bon. Pero posiblemente no ta tur a train of haya les ariba e sistema nobo.
Algun tempo atras tawata tin fecha pa tur Rijschool presenta y asina nan haya un demostracion di con e sistema ta hinca den otro.
Na Aruba tin 35 Rijschool, pero e dia eynan 27 so lo a presenta.
Loke a pasa diaranson ta un indicacion cu mayoria di e candidatonan no lo a train ariba e sistema nobo, aunke nan sa nan les.
Di 50 pregunta, e candidato por tin solamente 5 fout. Otro factor tawata tempo, bo ta haya solamente 30 minuut y varios di e candidatonan no a tene cuenta cu esaki.
Antes bo por a splica bo contesta, pero awor cu e sistema aki ta si of no, aki bo no tin niun hende pa splica nada.
Spera esnan cu ta duna Rijles y esnan cu tin Rijschool siña e candidatonan debidamente con e sistema digital ta traha y kiko nan por spera.
Nos ta desea esnan den e siguiente rond tur clase di exito.
