Alan Howell, Parlamentario di Fraccion di POR a trece dilanti e preocupacion di habitantenan di pariba di brug tocante e proyecto di fast ferry. E habitantenan kier sa con a para cu e proyecto aki pa San Nicolas.
El a indica cu e siman aki lo manda preguntanan por escrito pa e Minister di Transporte Chirs Romero den cual lo puntre con leu e proyecto di fast ferry pa San Nicolas ta.
Den mesun cuadro Howell a bisa cu si sa cu e proceso legal mester a cana su caminda na Depatamento Huridico, cual ta e caminda pa sigui pa e leynan wordo traha y scrutina. Despues ora e ley regresa mester bay cune den Parlamento pa e parlamentarionan por trata esaki.
Despues cu manda e preguntanan por escrito lo pidi tambe pa Minister Chris Romero acudi na un reunion di e comision fiho di transporte pa por haya mas informacion di con leu e proyecto aki ta y con e ta siguiendo su caminda.
Fraccion di POR lo haci nan maximo esfuerso pa sostene, semper y cuando cu tur cos cana drechi, mirando cu e fast ferry ta algo factibel y hopi bon pa San Nicolas.
