Aruba ta miembro di Association of Overseas Countries and Territories (OCTA). OCTA ta financia pa mas di 80% door di Union Europeo, y tin 22 pais miembro.
VIAHE PA TAHITI, FRENCH POLYNESIA
Actualmente French Polynesia ta e Voorzitter di OCTA y p’esey e delegacion di Aruba a biaha pa Tahiti. Union Europeo ta cubri e gastonan (airline, hotel, etc.) pa 3 delegado di tur pais miembro. Delegacion di Aruba ta consisti di 3 delegado, esaki coherente cu e maneho di Gabinete Wever-Croes pa sigui rebaha gasto. Gobierno anterior tawata atende e mesun reunionnan aki, cu hopi mas delegado.
FIRMA PA HAYA 13 MIYON EURO
Diabierna awor na Tahiti, Minister Xiomara Ruiz-Maduro lo firma hunto cu e EU Commissioner pa Aruba haya 13 miyon euro destina pa un facultad nobo na Universidad di Aruba. E facultad lo enfoca ariba STEM; Science, Technology, Energy, Mathematics.
MANEHO GABINETE WEVER-CROES
E maneho responsabel di nos prome minister sra. Evelyn Wever Croes ta restablece confiansa den Aruba como pais. E proximo periodo 2021-2027 Aruba lo ricibi atrobe un suma equivalente.
Adicional den cuadro di innovacion y stimula economia atraves di brinda oportunidad na entrepeneurs pronto un programa di financiamento pa “underserved entrepreneurs”, via e European Investment Bank” lo wordo cristalisa.
MANEHO DI WEVER-CROES vs EMAN
E diferencia cardinal entre e maneho di Gabinete Wever-Croes y liderazgo di sra. Evelyn Wever Croes, si compara esaki cu gobierno anterior ta lo siguiente. Mike Eman tawata biaha sin bin cu resultado concreto na beneficio di pais Aruba. Y adicional e tawata paga pa organisacionnan manera TNO establece nan mes akinan.
Sra. Evelyn Wever Croes al contrario su maneho ta pa biahenan cu mester wordo haci culmina den resultadonan concreto na bienestar di pais Aruba. Den e caso aki fondo di 13 miyon euro pa realisa un facultad nobo na Universidad di Aruba. Nos ta desea Minister Xiomara Ruiz-Maduro tur clase di exito na Tahiti.
