Savaneta – Diadomingo atardi pa anochi Motor Unit di Cuerpo Policial un biaha mas a tene nan control di trafico.
E biaha aki tawata altura di La Granja na Savaneta.
Varios auto a wordo hala un banda y te hasta un Trekkers di un a wordo hala na banda pa control.
Si bo ta chauffeur di un Trekker durante Carnaval, tene cuenta cu bo tin un responsabilidad grandi den bo man. Y pa e motibo nan ey polis ta haci e controlnan ariba nan tambe.
E dianan nos dilanti ta bay tin mas actividad di Carnaval y tin e presente cu si bo ta bebe y bo wordo gara, bo lo wordo deteni y hiba warda.
Sin conta e boet halto.
Di parti Cuerpo Policial nos a ricibi e siguiente resultado di controlnan haci door di Motor Unit.
CUERPO POLICIAL TA INFORMA:
“Controlnan di Unidad Motorisa a sigui durante y despues di Parada di Mucha di San Nicolas riba primeramente pa coremento bou influencia di alcohol. Unidad Motorisa a para diferente camindanan di salida for di Parada di Mucha San Nicolas entre otro na e retonde di Pos Chiquito.
A para mas o menos 400 auto y pone e chofernan supla door di e alcosensor como e investigacion temporario.
Un total di 7 chofer a wordo diadomingo pa core bou influencia di alcohol despues di e parada di Mucha di San Nicolas. Alaves mayoria di e chofernan di e trucknan den e parada a wordo getest. Tur e chofernan di e trucknan cu Unidad Motorisa a para y test a supla 0 ug/l.
Unidad Motorisa tambe a duna total di 30 multa pa diferente infraccionan”.
Cuerpo Policial ta informa cu e controlanan lo sigui pa loke ta trata e ultimo siman di actividad di carnaval.
Percura pa bo tin bo papelnan na ordo y si bo ta bebe no stuur y si bo ta stuur no bebe .
