J.E. Irausquin Boulevard – Diadomingo anochi den careda di 11’or pasa dos patruya a sali direccion La Cabana Beach Resort & Casino, pa un problema serio altura di e bar.
Na yegada di e patruynan di Noord, mesora nan a bay na Bar. Pero e momento ey ya cos a calma.
A resulta cu un rato prome dos turista tawata dal algun drinks, despues di basta rato di a dal basta drinks, problema a start.
Esnan presente lo a premira un pelea basta grandi y a bati alarma, pa e motibo ey dos unidad policial a yega na e Resort.
Polis a logra papia cu un di e partidonan, cu ya a move y bay den camber. A papia cu casa di un di e hombernan cu tawata envolvi y a splike cu si e ta desea elo por entrega un keho.
Pero e no tawata desea esey.
E momento eynan ya e homber a bay drumi y e casa lo zorg pa cos keda trankilo, esta cu su casa lo no lanta y bay busca baina.
Despues di esey agentenan a bandona e Resort sin mester a pidi transportwagen.
