Palm Beach: Diasabra den oranan di atardi, agentenan di strandpolitie ta logra pone man riba un conoci di Polis busca pa husticia, nan a detene y a hibe warda di Shaba.
E conocido Johnny Danger ta biba den e area di Noord. E ta un persona cu segun nos a compronde e lo ta traha banda di beach den e area hotelero di Palm Beach.
Na momento cu agentenan di strandpolitie a nota cu tin un buskeda andando pa Johnny Danger, mesora a cuminsa buske riba beach y na altura di Pelican Pier nan a bin topa cu Johnny.
Riba e ordo di fiscal nan a detene Johnny Danger, segun nos a compronde cu e sa causa molester den e area aki y aparentemente ofrece turistanan droga. Semper ora polis detene, e ta usa e pretexto cu e droga ta pa propio uso. Probablemente e lo tin un caminda cu e ta sconde e droga y ta trece pa bende den e area aki.
No ta Johnny Danger so ta causa molester den e area aki, tin varios persona mas cu ta un problema den e area hotelero di Palm Beach. Algun dia atras polis a detene Johnny caba y hopi liher a lague den libertad.
No ta conoci pa ki motibo Husticia tabata busca Johnny e biaha aki, mucho menos no sa tampoco pa cuanto dia elo keda cera, mas sigur aki algun dia elo ta den libertad bek, ta circula atrobe den e area turistico y haciendo su business di semper.