J.E IRAUSQUIN Boulevard – Diasabra anochi laat polis ta haya un melding, cu un mucha menor di edad su so ta sinta na e Mall di Alhambra.
Nos ta papiando di alrededor di 11’or p.m , momento cu e tiendanan ta cera nan porta.
E criatura aki di mas o menos 7 aña, segun informacionnan tawata sinta sigur un dos ora y mey eynan su so.
Polisnan na nan yegada a papia cu e criatura pa asina haya sa kiko ta pasando.
A bin sali na cla cu e mayor esta e mama di e mucha a lo bay den casino, y a laga e mucha sin ningun supervision di un adulto.
Unico cos cu ela lage cune tawata un Tablet, pa asina e por ta bezig. Casonan manera esaki ta cay bou abuso di menor.
Tur e ora cu e mama ta den casino, hamas bo por sa kiko ta pasanso pafo cu bo yiu di solamente 7 aña.
Mirando e momento eynan cu niun hende ta aparece como mayor di e criatura nan a bay warda cune. Eynan lo a cuminsa cu e procesonan pa avisa instancianan concerni, bijvoorbeeld Voogdijraad.