Dos homber deteni despues di un problema grandi den Christianstraat

Christianstraat – Diadomingo marduga a drenta informacion di un pelea grandi den casnan di pueblo na Noord. Pa ta mas specifico den Christianstraat.

Na yegada di polisnan mesora a bay over na detencion di dos persona.

A resulta cu ta un problema bieu andando, entre gruponan di Montserat y Christianstraat.

Despues di esey autoridad a bay tres otro adres den Palm Beach.

Tawata tin informacion circulando cu tiro lo a cay, pero esaki no por a wordo confirma e momento ey.

Ariba imagennan por mira momento cu e dos sospechosonan a ser treci warda.