Recientemente lider di Fraccion di POR, Marisol Lopez-Tromp a forma parti di un delegacion cu a bay pa Plan di Contacto na Suriname. E delegacion aki a wordo invita pa Suriname pa realisa e contacto aki, cual ya tabata existi for di aña 2001bin ariba. Na 2009 tabatin protocol di cooperacion cera entre Suriname-Aruba-Antiyas Hulandes.
E biaha aki nan a wordo invita como delegacion unda nan a haya un bista kico ta e areanan y topiconan cu nan ta desea pa reactiva conhuntamente despues di un periodo di casi 10 aña cu e reunionnan aki no a tuma lugar y tambe den e contexto nobo cu ta existi den Reino Hulandes den cual Corsow y Sint Maarten a bira pais.
Tambe a papia riba otro oportunidadnan di cooperacion riba diferente area manera entre otro cosnan cu ta toca educacion, salud, deporte y aspectonan economico.
Lopez-Tromp a bisa cu e reunionnan a bay bon y tabata fructifero y lo informa kico ta e siguiente pasonan cu lo sigui den futuro.
