Home » Departamento di Salud Publico ta contento cu nivel di compromiso di laboratorionan pa eleva calidad di servicio

Departamento di Salud Publico ta contento cu nivel di compromiso di laboratorionan pa eleva calidad di servicio

by Admin
0 comment 62 views

 

 

ORANJESTAD, Aruba –Den cuadro di calidad di servicio di laboratorionan rond Aruba y tambe teniendo na bista cu Malaria ta endemico den diferente paisnan den nos region. Departamento di Salud Publico recientemente a organisa hunto cu PAHO Trinidad & Tobago un curso di nivel halto riba diagnostico di infeccion di Malaria.

 

E profesional cu a bin Aruba pa duna e training y curso ta un experto den Diagnostico di Malaria di e oficina di PAHO na Guyana. E trainer, sra. Supatra Abraham, a sa di yuda y guia e analistanan di e diferente laboratorionan medico cu a participa pa na un manera efectivo via preparaat di sanger diagnostica si un patient ta infecta cu 1 of mas especies di e parasito di Malaria. E parasito di Malaria tin cinco diferente especies: Plasmodium falciparum, Plasmodium vivax, Plasmodium malariae, Plasmodium ovale y Plasmodium knowlesi.

 

DVG ta sumamente contento cu e nivel di compromiso dje laboratorionan participante n’e curso, cual analistanan a mustra interes pa mas curso riba diferente topico relata na nan trabou/technica diario pa por sigui yuda docternan duna diagnostico corecto.

 

Laboratorionan cu a participa ta: Laboratorio Familiar, Med Lab (Noord Medlab), Fundacion Servicio Laboratorio Medico Aruba (Lab Dr. HOH) y Alpha Interlab Center (CEMEFA). Un danki ta bay na PAHO y na tur analistanan dje laboratorionan medico cu a participa.    

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio