Molen bek den luz negativo, homber hinca den ora di marduga. Su situacion ta critico

Palm Beach – Dialuna marduga den careda di 4’or polisnan a bay Molen, unda un persona a wordo hinca.

For di Cuerpo Policial nos a haya un infornacion oficial di e susedido:

“Awe diadomingo marduga pa 4:05 Alarm Central (911) ta notifica central di polis di un caso di hincamento cu a tuma lugar na Molen. Polis a wordo manda na e sitio di e susedido. Eynan a bin encontra un homber hinca. Ambulance a presenta y a bay cu e victima. Na prome instante e no tabata mustra grave pero despues hospital a informa cu su situacion a empeora.
Recherche y polis technico a presenta na e sitio pa haci nan investigacion. Tambe slachtofferhulp a wordo notifica.
E caso ta bao investigacion”.