Home Entertainment Dufry Valentine Squad a contagia tur hende cu fragancianan di amor

Dufry Valentine Squad a contagia tur hende cu fragancianan di amor

SHARE

 

 

Recientemente e Dufry Valentine Squad a subi caya pa inspira y contagia publico den scoge e regalo ideal pa “Dia di Amor y Amistad” diahuebs awo 14 di februari. Riba Dia di San Balentin ta regala Bo sernan keri un regalo pa mustra bo aprecio, amor y cariño pa nan. Na Dufry Aruba situa den caya Betico Croes y den Royal Plaza Mall nan ta bon prepara cu varios tipo di regalo, speciamente colonianan di tur tipo di fragancia.

 

Durante nan recorido a bishita diferente scol secundario, unda a contagia studiantenan cu varios tipo di fragancia pa nan tin un idea di kico pidi nan ser keri como regalo e Valentine’s Day aki. Tambe a atende eventonan Carnavalesco, den hopi ambiente di amor, yena cu dushi aroma cu por bira e regalo perfecto pa e dia tan special.

 

Publico a encanta cu e accion aki, den cual e “cupido” tabata “spray” varios tipo di fragancia bou di e publico como un “test”. Asina nan tabata bay cerca nan pareha bisando “esun aki mi kier”.

 

Pa haci e evento mas special, Dufry Aruba tin descuento special riba un lista largo di productonan pa e dia special aki. Tambe ta ofrece clientenan servicio di entrega di nan regalo na e persona special, riba Dia di San Balentin. Pues cliente ta pasa cumpra e regalo y Dufry Aruba mes ta entrega e producto, bunita empaketa, na e luga y orario cu e cliente pidi.