Home Entertainment ARUBA MARRIOTT TA NOMBRA JUNEYDA CHAYADI SU REINA DI CARNAVAL 2019, DEBBIE...

ARUBA MARRIOTT TA NOMBRA JUNEYDA CHAYADI SU REINA DI CARNAVAL 2019, DEBBIE MAURICIO SU SRA. CARNAVAL 2019 & KRISTOPHER (KRISTINA) OEHLERS SU REINA LGBT DI CARNAVAL 2019.

SHARE

 

 

PALM BEACH, ARUBA – February 2019 – Diabierna 8 di februari asociadonan di diferente departamento a bini hunto cu famia y amigonan na Centro di Bario Noord pa asina apoya nan candidata faborito durante Aruba Marriott su di cinco eleccion di reina di carnival.

 

E candidatanan cu a participa pa Reina di Carnaval 2019 tabata Eliysha Browne di Activities Surf Club, Xerxia Leon di Food & Beverage Resort, Yaneka Nugent di Front Desk Ocean Club, Juneyda Chayadi di Finance Department, Miangela (Mia) Croes di Reservations, Revenue, Sales & Marketing Department, Jasmine Irausquin di Ruth’s Chris Steak House, y Amandae (Dae) Hereira di Loss Prevention Department.

 

E candidatanan cu a participa pa Sra. Carnaval 2019 tabata Maria Rodriguez di Housekeeping Ocean Club, Yazira Feliciana di Stellaris Casino, Debbie Mauricio di “At Your Service”, y Anny Kock di Engineering Surf Club. Y e candidata pa Reina LGBT di Carnaval 2019 tabata Kristopher (Kristina) Oehlers di Food & Beverage Resort.

 

Na final di un anochi yena cu ambiente, creatividad, disfrasnan di color y shownan hopi entretenido, e huesnan a nombra e sigiente candidatanan como e ganadornan di Aruba Marriott su eleccion di Reina di Carnaval.

 

Categoria Reina di Carnaval:

  • Miho Maquillaje – Jasmine Irausquin – Ruth’s Chris Steak House
  • Miho Discurso – Juneyda Chayadi – Finance Department
  • Miho Show – Xerxia Leon – Food & Beverage Resort
  • Miho Disfras – Miangela Croes – Reservations, Revenue, Sales & Marketing Department
  • Di dos finalista – Xerxia Leon – Food & Beverage Resort
  • Di prome finalista – Miangela Croes – Reservations, Revenue, Sales & Marketing Department
  • Reina – Juneyda Chayadi – Finance Department

 

Categoria Sra. Carnaval:

    • Miho Discurso – Yazira Feliciana – Stellaris Casino
    • Miho Show – Debbie Mauricio – At Your Service
    • Miho Disfras – Maria Rodriguez – Housekeeping Ocean Club
    • Di prome finalista – Yazira Feliciana – Stellaris Casino

 

  • Sra. Carnival Debbie Mauricio – At Your Service

 

 

Categoria Reina LGBT di Carnaval:

  • Reina LGBT – Kristopher (Kristina) Oehlers – Food & Beverage Resort

 

Aruba Marriott ta sumamente contento di por a organisa un otro eleccion di reina di carnival exitoso pa asina celebra Aruba su carnival 65 hunto cu su asociadonan y e comunidad di Aruba y alaves promove igualdad y inclushon door di escohe un biaha mas un Reina LGBT y habri e eleccion na tur asociado cu ta forma parti di e comunidad di LGBT.

 

Marriott ta un compania di hospitalidad global cu ta comprometi na pone hende na prome lugar y crea un ambiente amabel di inclusion y di trato husto na tur su huespednan y asociadonan. Esaki ta inclui e comunidad di LGBT, nan famianan y nan aliado nan.

 

Mas di Aruba Marriott:

Aruba Marriott Resort & Stellaris Casino a habri na aña 1995 y tin 414 camber. Na aña 1999 a habri Marriott’s Aruba Ocean Club cu 311 camber y na aña 2004 a habri Marriott’s Aruba Surf Club cu 900 camber. E famia di Aruba Marriott ta consisti di mas o menos 1100 empleado den servicio directo. E compleho di Marriott Aruba ta esun di mas grandi den henter Caribe, tanto den cantidad di camber como den cantidad di empleado