Palm Beach – Diaranson atardi nos a tuma algun Drone Footage, di con e crusada di luznan di trafico di Palm Beach ta awor.
E imagennan aki ta hopi importante pa tur automobilista.
Desde diaranson februari 13, bo lo no por crusa mas cu auto akinan.
Pues si bo a pasa bijvoorbeeld rotonde Superfood bay nort, bo lo por bira te na altura di Palm Beach Plaza, si bo ta bayendo por ehempel Playa Linda of Paseo Herencia.
Un otro scenario ta, bo a sali for di e crusada di Palm Beach Plaza pa bay zuid, bo mester tene cuenta cu pa bay direccion pariba e opcion ta te na e rotonde di Superfood. Pariba di Southbeach ta mesun cos, zuid so bo por bay. Crusa bay direccion Wendys ya no ta posibel.
E ceramento di caminda aki ta, pa evita asina hopi accidente di auto eynan.
Diariamente ta sosode accidente na e crusada aki, debi cu e luznan no ta trahando mas.
Nos mes a publica centenares di accidente cu a pasa eynan ultimamente.
Ban spera cu pa awor e sistema por para e accidente nan eynan basta. E palabra mes ta bisa accidente, pues e ta algo cu semper lo por pasa, unicamente no manera e tawata pasando ultimo tempo.