Home » Minister Xiomara Ruiz Maduro: Festival di Caiso y Soca Monarch a demostra cu Aruba tin hopi talento y creatividad musical

Minister Xiomara Ruiz Maduro: Festival di Caiso y Soca Monarch a demostra cu Aruba tin hopi talento y creatividad musical

by Admin
0 comment 77 views

ORANJESTAD – Diasabra ultimo Aruba por a disfruta di un bunita festival di Caiso y Soca Monarch. Tur participante a yena e tarima cu nan talento y creatividad musical, caminda nos por a aprecia talento jong y talento di mas aña di experiencia hunto creando un festival exitoso na deleite di tur presente. Durante e festival por a admira riba e escenario e fundeshi di nos Carnaval den presencia di nos legendario Sra. Tecla di SAC y e motor tras di Carnaval 65 den presencia di Sra. Shannon di SMAC.

Minister di Finansa, Asuntonan Economico y Cultura Sra. mr. Xiomara Ruiz-Maduro a sigui trece dilanti cu Aruba ta bendiciona cu hopi talento, nos pais tin un bon fundeshi y cu nos mester tin mira positivo pa futuro. Diasabra nos tur a wordo recorda un biaha mas, cu nos mester uni nos talentonan pa na un manera positivo nos bay dilanti den bida como hende, como cuidadano y como Pais. Ban uni y balora esfuerso di tur hende cu ta trahando duro pa duna Carnaval 65 e vibracion positivo cu nos kier sinti y keda recorda.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio