Home Sports Aruba Taekwondo Bond a reconoce Marlon Petrocchi.

Aruba Taekwondo Bond a reconoce Marlon Petrocchi.

 
Presidente di Aruba Taekwondo Bond Dr. Guaicaipuro Jimenez a entrega Marlon Petrocchi di Eumar Lock un bunita plakaat.
Marlon Petrocchi ta tata di dos atleta dinamico Chiara y Sophia Petrocchi. Tata y mama ta para 100% tras di nan yiunan.
Nan ta sostene nan yiunan for di chikito te cu awo cu nan a bira grandi.
 
Pa hopi aña caba nan ta representa Aruba Internacionalmente ganando varios titulo cu sosten di nan tata y mama. Aruba Taekwondo Bond ta aprecia tur cos cu Marlon Petrocchi y Nina Arends ta haci den deporte pa nan yiu muhenan. E dos damitanan aki ta den diferente deporte cu nan ta domina bon. E tempo y energia cu e mayornan ta hinca den deporte pa nan yiunan ta hopi. 
 
Marlon Petrocchi y Nina Arends semper a para duro pa Taekwondo, haciendo e imposibel posibel sin wak atras. Semper nan tey pa duna un man na bienestar di Taekwondo pa nan yiunan.
 
Dr. Guaicaipuro Jimenez ta wak atras na un aña cu hopi logro y ayudo brinda door di Marlon Petrocchi y ta haci cu e plakaat di aprecio y reconocimento ta na su luga.