Franse Pas – Diadomingo anochi den careda di 8:30 pasa polis di trafico a wordo pidi den Franse Pas, pa un chauffeur burachi.
Loke a sosode no tawata algo serio, pero e chauffeur di edad cu a causa e incidente chikito tawata kier pa polis bin e sitio.
Segun e otro partido, un poco mas pazuid den Franse Pas e cabayero a tuma un bocht poco grandi di mas y e spiel di su Toyota Yaris a contra nan auto, e spiel di e Yaris a keda destrui.
E hoben nan a bay su tras, mirando cu e ela sigui core manera nada un pasa. Ariba e splitsing cu ta bay pa Donkey Sanctuary a logra stop e.
Nan a papia cune y a puntre si e ta desea pa nan regla e cuenta onderling, pero e pachi no kier a tende y e mes tawata kier pa polis bin.
Pues yama polis e no kier tende. E otro partido te hasta a puntre si e ta desea pa yama un famia, nada e no kier tende.
Na yegada di polis di trafico, mesora a mira cu e pachi ta burachi.
A tuma su datosnan, tur su documentonan ta na ordo door cu e tin auto nobo.
Segun e pachi, ta un of su cellular cu ela lubida na Sabana Basora ela sali bay busca y wak awor den baina cu spiel di auto.
Transportwagen a yega y ela cana poco poco subi den e transportwagen direccion Warda di Santa Cruz.