ORANJESTAD – Diahuebs ultimo Lead2Success a haci introduccion di nan curso “2019 Financial Freedom “Get out of Debt” Step-by-Step Roadmap.” Cantidad di asiento pa e prome session di introduccion a keda completamente registra, den cuadro di esaki a opta pa habri un di dos session dunando esunnan cu no a haya oportunidad pa atende un segundo oprtunidad pa ainda haci esaki prome cu e lesnan cuminsa.
Atendiendo asina cu e ‘falta di educacion financiero’ cu hopi ciudadano tin ora ta trata di maneha nan finansas, y mas aun durante un temporada unda hopi cuidadano ta sinti nan reta pa logra cubri tur nan nesesidadnan basico di manera sano.
Lead2Success ta un organisacion funda pa establece individuonan den e complitud di nan potencial den liderazgo cu ta carga e certificacion di conocido entrenado di liderazgo y orador motivacional, John C. Maxwell. Teniendo na cuenta, sinembargo cu un bon maneho di finansas ta e base y esencia den liderazgo, Lead2Sucess a añadi e curriculo di conocido entrenado di finansas, Dave Ramsey nan su portfolio.
Den cuadro di esaki y alinea cu un di e retonan mas grandi di nos cuidadanonan ta enfrenta, Lead2Success a lanza nan prome curso di finansas dirigi pa kibra e ciclo visuoso primeramente, cu ta pa ‘sali for di debe’ y sana e situacion di deficit y interesnan halto di prestamonan cu cuidadanonan ta paga.
Un ciclo visuoso cu ta trece un presion financiero enorme den famia, parehanan y consecuentemente ta continua pa nan luga trabou. E problema di ‘raporta malo’ y keda sin presenta na trabou ta un reto pa hopi compania, como tambe seguro mediconan ta enfrenta y pa un gran parti esaki ta un resultado di e empleado su situacion y preocupacion financiero.
Problema financiero ta e di dos causa mas grandi di divorcio riba nos isla y for di nos propio encuesta recien haci a bin conclui cu 9 di 10 persona no ta traha cu un presupuesto mensual. Trahando un bon presupuesto mensual ta percura pa un bista concreto riba entrada y salida di nos finansas. E ta yuda nos alcansa nos metanan, sali for di debe, prepara pa un bon pensioen y te hasta construi un fundeshi financiero pa nos yiunan por continua e construccion financiero pa futuro generacionnan.
E session di introduccion lo tuma luga den sala di Hope Civic Center – situa riba di dos piso di Wendy’s Aruba/Cinnabon pa playa, dia 21 di februari 2018 cuminsando for di 7:00 te cu pa 8:30 di anochi. Ta rekeri pa registra pa asiento via nan pagina di web www.lead2success.net. Pa mas informacion tambe por tuma contacto via 5934535.