Na Parke Arawa, tur participante di Calypso y Roadmarch Jr. a keda invita pa asina celebra e exito grandi di Festival di Calypso & Roadmarch.
Na e ocacion aki, Edselyn Figaroa, president di e comision organisatorio, a gradici tur mucha, mayornan, musiconan y banda Perfect Sound cu a compaña e muchanan den un forma sublime.
Durante e atardi special dedica na e muchanan y mayornan, SMAC a haci entrega di cheknan simbolico di e premio efectivo cu e ganadornan ta haya. Esaki ta prome biaha cu un suma asina halto a keda regala na ganadornan di e festival. Un total di 10 mil florin a bay na premio cash na Reynan y Reinanan di Calypso & Roadmarch Jr. Un danki ta bay na SETAR, ATA Y ARUBA BANK pa nan cooperacion cu sigur ta un gesto cu directamente ta yuda engrandece nos dushi Carnaval.
Ademas di suma cash, tur ganador a haya un bunita ‘flatscreen’ regalo y ganadornan den categoria Pre-infantil y Infantil a haya lesnan di canto cortesia di Pitbull Productions
Comision Calypso y Roadmarch ta haciendo tur esfuerso pa tur e muchanan por haya un invitacion den un banda musical pa nan por canta nan cancion den paradanan di mucha.
Pa mas informacion, por contact cu Comision Calypso y Roadmarch riba facebook.
