ORANJESTAD – Minister Sra. mr. Xiomar Ruiz-Maduro tabata presente na Festival di Tumba 2019 pa apoya y desea suerte na tur participante. E Festival di Tumba 2019 a wordo dedica na srs. Rolindo Dortalina y Ronwayne Kock. Na nomber di SMAC y Loco Lobo Productions e mandatario a entrega na Rolindo y Ronwayne un reconocemento como muestra di aprecio pa nan aporte y participacion na Festival di Tumba pa tanto aña caba. A gradici ambos cantante pa nan esfuerso pa pueblo por biba nos cultura.
Festival di Tumba 2019 a conta cu un bunita participacion di tumbero y banda cual ta un aporte na e festival y na Aruba su Carnaval 65. Henter anochi a reina un alegria durante e festival. Nos Rey di Tumba 2019 a resulta Rocco Franken y a wordo corona pa Minister Sra. Xiomara Ruiz-Maduro. Hopi pabien y tambe pabien na tur esnan cu a cay den premiacion.
