Oranjestad – Aruba
December ultimo S.E.P.B ( Stichting Educacion Profesional Basico) a termina e relacion di trabou cu Directeur.
Segun e bestuur e Directeur lo no a haci su trabou manera mester ta.
Despues di varios caso den corte, december 2018 Gerecht In Eerste Aanleg van Aruba a dicta sentencia na fabor di e bestuur, y cu mirando full e caso nan no tin nada di duna e directeur.
E caso a cuminsa rond di oktober 2017, unda cu un Unitmanager di E.P.B Oranjestad a wordo notifica cu tin sospecho di iregularidadnan cu a tuma luga ariba tereno financiero.
Esaki a sali na cla despues cu e Directeur C.L bay cu pensioen.
E iregularidadnan tawata cu chequenan y tambe diferente facturanan.
Segun e Unitmanager, e informacionnan a wordo haya door di e financieel medewerkster di e scol.
Despues di algun combersacion y informacionnan obteni, SEPB a contracta e compania Forensic Services Caribbean N.V (FSC) cu e meta pa haci un investigacion relaciona cu e iregularidadnan cu a wordo detecta. Tambe pa haya ken tur ta envolvi den esaki y di cuanto placa ta papiando.
Ariba 26 di April 2018 FSC tawata tin resultado di e investigacion conduci y a sinta na mesa cu SEPB ( cu e directeur).
For di e investigacion a bin sali na cla, cu ayudo di e financieel medewerkster cu ta e persona encarga cu e parti financiero di e scol.
A resulta cu Afl. 369.738,01 a wordo horta of malversa, esaki tawata durante e periodo di Januari 1 2016 te cu Oktober 31 2017.
Un cu e otro lo a sosode, momento cu dos Unitmanager door di custumber tawata firma un cantidad di chequenan blanco (habri). Nan tawata pa propio uso, pa no lanta sospecho nan tawata traha facturanan falso cu mester wordo paga na trabounan cu nunca a wordo haci pa e skol.
SEPB termina e relacion di trabou cu e administravie medewerkster. Y tambe a tuma medidanan disciplinario contra dos Unit – manager.
Stichting Educacion Profesional Basico (bestuur) a termina e relacion di trabou cu e Directeur di SEPB, cu segun nan tin a tarea di controla e finansas di e Scolnan y esaki no a sosode.
Segun e Directeur esaki no ta berdad, cu no ta su persona ta esun encarga pa supervisa e finansa. Asina ambos partido a bin cu nan ponencianan.
Segun e Bestuur na varios ocasion Augustus 2018 a purba pa sinta na mesa cu e Directeur, pero esaki no a reacciona.
Ariba December 11 2018 Huez mr.A.H.M van de Leur a dicta na fabor di e bestuur di SEPB, y ariba 15 di December a termina e relacion di trabou e Directeur.
Loke ta remarcabel ta cu te cu awor ningun persona a wordo deteni of yama aden pa interogacion di e suma grandi aki.
Tin informacion circulando rond cu nos no por a confirma, di cierto acuerdonan cu lo a wordo haci entre esnan cu a malversa y/of horta e placa aki pa page bek na un manera no usual.
Cu otro palabra esnan cu a comete e malversion y/of ladronicia di e montante aki ta liber. Di 2016 pa pa 2019 ya ta tres aña a pasa y segun nos a compronde niun dia a wordo deteni of yama aden pa interogacion.