Sero Colorado – Diadomingo anochi e patruya cu ta controla costa esta Kustsurveillance ta topa cu un pick up, esaki tawata altura di e restaurant na Baby Beach.
Mirando cu e area aki ta manera un entrada pa traficacion di hende y mas cos, polisnan tin extra bista eynan.
Mesora a bay controla e auto. Den e auto ta topa cu un pareha, posiblemente “bezig” bou di e streanan bunita di Aruba.
Durante cu agentenan tawata puntranan algun pregunta y controlando, a ripara cu e dama na banda no ta domina e idioma di papiamento.
Na e momento eynan e dama aki no por a mustra polis ningun documento di pa por ta legal ariba e isla.
Agentenan a detene e dama y a pidi transportwagen cu lo hibe warda, pa despues pase pa Guarda Nos Costa, cu tin e tarea pa controla si e dama ta legalmente riba nos isla of ta un persona indocumenta.
Ta desconseha tur hende y specialmente parehanan pa con enamora cu nan por ta, pa no bay anochi den e area di Baby Beach.
Number un e ta pabo mesun siguridad y number dos bo encuentro romantico kizas lo no dura mucho door di e controlnan regularmente di parti autoridad.