Vondellaan – Diadomingo atardi pa mas o menos 4’or varios unidad di polis y tambe di Arrestatie Team
(Rapid Response Team) a bay direccion Cas di Cultura.
Dilanti di Cas di Cultura un hoben lo a wordo hinca varios biaha y bati cu bloki.
Despues di esey nan a sali direccion nort, esta direccion Dakota.
Den mas o menos 10 minuut, team di aresto ta topa cu e cuatro persona entrenan un damita.
E detencion a tuma luga den Anasastraat, e caya pariba di Botica Dakota.
E sospechoso principal a wordo hinca mesora den e auto di e team special di polis, alehando e for di e restonan.
Asina poco poco transportwagen a yega y mester a haci dos vuelta. Otro patruya tambe a yega pa asina tur wordo transporta pa warda di Playa.
Cuerpo Policial mesora a emiti un comunicado pa Prensa:
“Awe diadomingo atardi pa 4.10 Centrale di Polis a haya un yamada di Central di Alarma poniendonan na altura cu un hincamento a tuma luga na altura di Cas Di Cultura. Mesora ta despacha patruyanan pa dicho lugar. Eynan ta bin encontra un mucha homber hinca cu a declara cu tres mucha homber a hinke y a duna descripcion di e tres sospechosonan. Mesora otro patruyanan a cuminsa un buskeda den vecindario. Un rato despues Rapid Response Team ta meld na Central di Polis cu den Anastraat nan a encontra e mucha hombernan cu ta cuadra cu e descripcion y ta detenenan hunto cu un mucha muhe y a hibanan warda di polis pendiente di mas investigacion”.