Ranchostraat – Diabierna mainta manera nos a trece caba dilanti un atraco a tuma luga ariba un señora di edad, esaki a pasa altura di Ex Hotel Central.
Dos atracador a kita 1200 florin di e señora.
Razia den Ranchostraat 2
Debi na e caso di atraco aki y descripcion haya di e señora a bay direccion Ranchostraat.
Polisnan di straat cu dia afo ta mira e hendenan a reconoce dos di nan(nan descripcion) den e cas unda bendemento di droga ta na ordo di dia.
Despues cu polisnan a haya ordo di Fiscal pa por drenta e cas, un team grandi di polis a reuni poco mas panort y despues a zuid, direccion Ranchostraat y blokea tur exit.
Di e manera eynan a drenta e cas y cuminsa haci nan investigacionnan, e dos hombernan cu ta cuadra cu e descripcion tawata esnan prome pa a wordo deteni.
Segun Polis, paden nan a haya municion, y basta sakito di droga cu contenido di Marihuana y Cocaina. Esakinan ta pa benta.
Na e cas un total di tres hende e keda deteni, ta e dos mucha hombernan sospecha di a comete e atraco y un señora den rolstoel.
Por a mira agentenan cargando e señora sinta den su rolstoel rumbo pa warda di polis.T
Ta un secreto publico cu tin cosnan ilicito pasando 24/7 den e cas aki. Polisnan ta pasa constant den e caya aki, pero mucho no ta wordo haci, sino cos ta otro.
Algun tempo atras, varios di e hobennan aki a wordo deteni, pa su mañan mayoria tawata na e mes un cas aki siguiendo cu nan rutina diario.