Oranjestad – Diabierna mainta pa mas o menos 9:30, alarma a wordo bati pa un caso di atraco patras di RBC BANK na Playa, esta Windstraat. A resulta cu e atraco mes a tuma liga altura di Ex Hotel Central, y despues e señora a wordo yuda y a yega RBC Bank.
Segun informacion, un señora di edad lo a wordo atraca y lo ta trata di 2 atracador. E atracadornan aparentemente a logra kita nas o menos 1200florin for di e señora.
Mesora di parti autoridad a start un buskeda, basa ariba discripcion di e atracadornan.
Mientrastanto e señora un hende di edad a ser hiba warda di Playa, unda por a mira cu e tawata basta emociana loke ta logico.
Durante cu e ta yegando warda den Wilhelminastraat, polisnan a detene un sospechoso.
E señora aki algun aña atras ya a bira victima di atraco den Playa y den dia cla, altura di Landslaboratotium. Atracadornan un otro biaha a purba of a drenta su cas tambe.
Atraco Team y demas instancianan a wordo poni na altura.