Hato – Diahuebs merdia den careda di 12:30 p.m varios unidad policial a bay E.P.B Hato, pa un pelea grandi.
E momento ey caba tawata papia di varios persona, posiblemente muchanan di skol herida.
Na yegada di patruyanan parse cu ya esnan cu a bringa a move di e sitio. Algun minuut despues ta drenta informacion cu un persona lo a yega cu hinka na Spoed Eisende Hulp.
Ta papia cu un auto lo a baha e persona, nos no por a confirma esaki.
Despues di esaki ta drenta un otro informacion cu na Snack pazuid di e skol tin un hoben corta. No sa si ela bay sconde den e mondi pa zuid di e Snack pa no wordo mas agredi, paso ta for di eynan ela sali.
E momento ey polis ta detene un persona eynan y ta transporte pa warda.
Polis na e sitio a pidi pa ambulance, pa atende cu e alumno corta na brasa.
Cuerpo policial a manda un relato cortico di loke a pasa:
“12.38 melding a drenta via centrale post di un hincamento na EPB Hato. En total 3 persona herida y 2 persona deteni y arma blanco confisca”.
Casonan manera esaki ta pone extra tension durante actividadnan Carnavalesco, y tambe ariba cuerpo policial cu lo mester ta mas atento pa siguridad di tur hende ariba caya.