Sabana Grandi – Diahuebs atardi pa mas o menos 4:45 p.m, polis y ambulance a bay Sabana Grandi pa un auto cu a cay ariba un persona.
Na yegada di polis nan ta mira e seriedad di e situacion, esta cu e persona lo tin un kap grandi y esaki ta sangrando profusamente.
E vehiculo cu lo a slip cay ta un Hyundai Accent color preto.
Segun nos a compronde e hendenan trahando ariba e auto for di 11’or di mainta nan tawata buscando un pieza pa e auto.
Esaki parse tawata poco dificil pa haya.
E auto lo mester a wordo entrega na su doño rond di 5’or di atardi, y e accidente ta sosode algun minuut prome cu 5’or.
Kiko a bay robes no ta mucho duidelijk.
Paramediconan na e sitio a stabilisa e homber di Fam A, y despues a sali direccion Hospital cune.
Informacion no oficial ta bisa cu e auto lo a herida cabes di e victima y cu e sla ta basta serio, pues un situacion bastante delicado.