144
Zeewijk – Diaranson mainta den careda di 11’or pasa polis y ambulance a sali pa Zeewijk, unda un accidente basta serio a tuma luga.
Na yegada nan ta topa ambulance na auto unda e persona herida ta. Na prome instante a pidi pa Brandweer, pa yuda saca e chauffeur herida.
Despues di un rato esaki no tawata necesario mas, mirando cu Paramediconan mes a logra sake.
Distancia di e dos autonan cu a boks tawata grandi.
Autonan envolvi ta un Hyundai Accent y un pick up color cora.
Segun nos a compronde ta cu e pick up pa un of otro motibo lo a bay na su man robes y dal e Hyundai frontal, mandando e bek patras, y caba den un rooi pazuid di caminda.
E pick up mes a kita na su man drechi y bay dal contra un mata. Ariba caminda por mira unda e impacto a tuma luga y na e rastro di azeta di motor bo por imagina mas o menos con ela pasa.
Den e Hyundai e chauffeur tawata cu su mascota cu ta un cacho, e no a sobrevivi e accidente.
Despues di a wordo stabilisa a transporta e chauffeur pa hospital.