Kamay: Dialuna den oranan di atardi, polis ta wordo manda cu urgencia na un cas na Kamay pa un atraco cu lo a caba di tuma lugar.
Na yegada nan ta topa cu un persona na e cas y e ta splica polis cu dos persona a obliga su persona pa dunanan su yabi di auto y nan a bay cu su KIA Ceratto.
Na prome instante e persona no kier a entreganan su yabi di auto pero nan a menas’e cu un cuchiu y no a keda e persona nada otro di entrega e dos atracadornan su yabi auto.
Mesora a pidi pa presencia di Atraco Team y tambe a cuminsa cu un buskeda pa e auto KIA Ceratto A 3039.
Despues di un buskeda rigoroso e agentenan a ricibi un informacion cu un persona lo a mira dos adicto cu e auto aki. Den e auto tabata tin un dama cabey medio blond conoci di polis
Un patruya atento di Playa a bin topa cu e auto Kia Ceratto aki den Tarabana, na altura di Pacifico a cuminsa sigui’e y tambe a pidi resfuerso.’
E auto a cuminsa bay direccion di Sabana Blanco caminda nan a logra para e auto y a detene e pareha adicto cu tabata den e auto, ambos ta conoci di polis. Mesora a separa e pareha y a transportanan den dos diferente auto pa Warda di Polis.
E kia Ceratto a keda confisca y hiba warda di polis pa mas investigacion.