120
Diadomingo ultimo Chiara Petrocchi y Monica Pimentel a yega Aruba for di Miami despues di 2 siman ta train na Peak Performance na Miami bou guia di Juan Moreno, Russell Beneby, Coach Lee, Terrence Jennings y Paige McPherson.
Peak Performance Miami ta e centro di training na Florida y varios atleta Olimpico y di rond mundo ta mobilisa nan mes pa train cerca Juan Moreno. Na Peak Performance Miami tabata tin atletanan y coach for di Dinamarca, Brazil, Sto Domingo, Puerto Rico, Canada y di diferente otro parti di Merca cu ta bay train cerca Juan Moreno. Russell Beneby no ta desconoci aki na Aruba. Russell Beneby a duna varios training na Aruba den pasado.
Russel Beneby ta coach di e region di Florida, coach di Peak Performance y sa coach e atletanan ora cu nan biaha pa representa Merca.
Na e training na Peak Performance nos atletanan tabata tin e placer di por a train dos biaha pa dia y cu varios atleta di caliber y Olimpico manera Paige McPherson cu actualmente ta preparando pa su di 3 debut pa 2020.
Chiara Petrocchi y Monica Pimentel ta nos atletanan adulto cu ta preparando pa e clasificatorio na Santo Domingo pa e weganan Pan Americano na Peru.
Aruba Taekwondo Taekwondo Bond “ARTBO” ta sumamente contento cu e bon preparacion aki di Chiara Petrocchi y Monica Pimentel.