Pareha cu no por mustra documento di estadia haya burachi den auto na Turibana

Turibana – Diadomingo marduga durante patruya polis a topa cu un auto Nissan March para mey mey caminda.
Esaki tawata altura di e panaderia na Turibana.

Ora cu agentenan a baha pa bay controla kiko por a pasa ta topa cu un pareha den e auto. Polis a ripara cu ambos tawata bou di influencia, y hopi tambe.

Nan no tawata local, of miho bisa nan no a papia papiamento. Esaki a pone cu polisnan lo a pidinan pa nan papelnan.
E momento eynan nan lo no por a mustra polis dicho documentonan.

Mirando cu ambos ta basta bebi y nan no por mustra papelnan di estadia a pidi pa transport.
Na warda i of via GNC lo averigua si nan status ta legal ariba e isla of no.