Diasabra ultimo tabata tin training na Seroe Alejandro. Training a cuminsa pa 8’or di mainta den aire liber pa traha ariba forsa di pia di nos atletanan cu ta preparando pa e di 8 TK5 na Surinam. Awo a bin reglanan nobo pa e TK y a cambia for di 5 atleta pa 4 atleta.
Aruba su team ta di Cadet y ta atletanan for di 12 pa 14 aña cu ta un team hoben y solido cu ta cla pa e reto na Surinam. Aruba tin 7 aña consecutivo ta gana e copa na Surinam. Nos ta train duro pa logra nos di 8 copa hunto cu nos team dinamico cu atleta for di Noord Taekwondo Center bou guia di Grand Master Chaco Cornelio, Master Melvin Rasmijn, Master David Dubero y Master Joshmar Wever cu nan atleta Samuel Rosario.
Brazil Taekwondo Stichting bou guia di Master Alberto Klabér ta conta cu 3 atleta, Danon Delamore, Joshua Klabér y e rookie Roderick Tromp.
Aruba su coachnan pa Surinam ta e dos rumannan Jourdé y Záhyon Klabér cu ta preparando pa e clasificatorio pa Pan Americano na Santo Domingo tambe.