Tres empleado herida despues cu forno probablemente a explota den cushina na Marriott

L.G. Smith Boulevard – Diasabra mainta esnan den vecindario di Noord por a scucha masha hopi alarma mes. Esaki tawata pa motibo di un explosion den cushina di Marriott.

Segen informacion no oficial, un trahado lo a bay cende un oven y esaki lo a “explota”.
Durante e incidente tres persona lo a resulta herida, di cual un lo ta mas serio cu e otronan.

Varios ambulance a presenta y tambe unidadnan di brandweer. Polis a cera e area.
Mientrastanto departamentonan encarga manera DTI a wordi avisa y ta na caminda pa e hotel.

Tres persona a wordi transporta pa hospital. No ta extenso di nan herida no ta conoci.