Lectura “Leadership & new generation of politicians” tabata hopi inspirativo tanto di banda di e oradornan como tambe e puntonan cu tabatin riba agenda cu a mustra e interes cu tabatin pa cu e anochi aki, asina Parlamentario Michael Lampe a remaca. “Un sala cu a keda chikito pa tur e hobennan cu a presenta pa e tema di Futuro Politico y Liderazgo y mi ta kere ta algo hopi great pa mira”.
Mas leu e Parlamentario a duna di conoce cu “Sigur inspirativo na mi mes persona pa oradornan manera Sharleen Tromp y Karsten Klein duna nan presentacion. Sharleen di su banda a pone nos refexiona riba nos proposito di bida, kico ta e liderazgo nobo y con nos hobennan, e generacion nobo, ta mir’e y ta kere den un liderazgo unda ta traha cu proposito, con ta haci’e.
Michael Lampe a continua bisando cu el a disfruta di e anochi yena di energia y un atmosfera positivo, tur presente por a sinti esaki y sigur ta felicita e Hobennan di Plataforma Profesional pa un anochi exitoso y bon organisa. E Parlamentario a menciona tambe e hoben politico di partido CDA di Hulanda, Karsten Klein cu a haci un tremendo presentacion.
A comparti su experiencia como politico, como hoben cu a tuma e paso na edad jong y dicidi esaki ta e caminda e por tin un impacto positivo riba su comunidad. Lampe ta mira su mes tambe den e mesun situacion, biniendo for di un otro angulo y a dal e paso di drenta politica. E ta sinti su mes hopi inspira y ta sigura cu e ta un bon paso pasobra mester di hobennan profesional pa forma parti na un desaroyo positivo pa nos isla.
Finalisando Michael Lampe ta bisa cu e por mira for di Partido AVP cu nan semper ta innova, un partido sigur profesional, cu ta representa comunidad den e diferente forma, prepara nos hobennan bon prome cu asumi diferente responsabilidad, un partido cu den gobernacion of den oposicion semper ta traha na bienestar di Aruba y esaki ta algun punto masha atractivo di e organisacion politico y awe por a reconfirma esaki cu e plataforma di Hobennan Profesional cu ta mustra cu Aruba y siguramente e generacion nobo ta cla pa tin lidernan cu ta compronde un forma di hiba politica diferente y liderazgo nobo.
Ta mira generacion cu ta contribui na algo mas grandi cu djis solamente e partido pero ta un vision y anochi aki a mustra cu e interes ey t’ey tambe den partido pa keda renoba, cu miras riba futuro cu e generacion aki. “Hopi orguyoso di bisa cu e hobennan di plataforma a haci un tremendo trabou y ta un di e serie di proyectonan cu lo bin dilanti y ta keda na nos a hobennan pa sigui desaroya den un manera positivo pa locual ta e partido y Aruba”, asina e Parlamentario a finalisa bisando.