ORANJESTAD, Aruba – Studiantenan di International School of Aruba (ISA) tabata desea di siña dive y a lanta e Stichting ScubbleBubbles, un organisacion cu iniciativa di terminonan largo. Desde inicio e fundacion nan ta traha pa conserva nos lama.
Meta di e fundacion ta pa educa, informa y busca hobennan na Aruba pa haci un cambio positivo na mundo y pa proteha e lama. Stichting ScubbleBubbles ta traha ariba un proyecto di restauracion di coral y ta trahando hunto cu De Palm Island a base boluntario cu ta yudando na cuida nos lama.
Aruba Bank , den cuadro di su pilar strategico “We Care” ta sostene e fundacion y a haci donacion di “rash guards” p’e boluntarionan. E banco pionero ta contento y orguyoso di mira e fundacion promoviendo nos medio ambiente entre hobennan di Aruba, specificamente salvaguardiando nos rifnan, y creando oportunidadnan di scuba dive pa studiantennan/hobennan Arubano, door di yuda alivia e costo di “supply” di dive y certificacion.
Aruba Bank ta felicita Stichting ScubbleBubbles p’e iniciativa aki!
