Bringamosa – Santa Cruz
Diaranson mainta personanan cu ta traha na e Donkey Sanctuary na Bringamosa a pidi presencia di polis.
Na nan yegada a constata cu ladronnan a drenta e luga.
Tawata den oranan di mainta cu polis a yega e Sanctuario di Buriconan situa na Bringamosa, pa un caso di kiebro y ladronicia.
Probablemente durante oranan di marduga ladronnan a drenta e oficina, y a bay pa e safe.
Esnan cu a drenta por bisa tawata sa demasiado detayes. Por ehempel nan tawata sa cu e den e safe tin basta placa, cuanto no ta conoci.
Si nan a bay cu e placa cu segun nos a compronde ta procedente di donacionnan por bisa “ok”, claro cu e NO ta bon.
Loke e staff y nos tambe ta condena ta cu nan a bay cu e sistema di Computer, unda tur datos di 125 Burico ta hinca. Pues na un manera di bisa ta for di scratch nan lo mester bay cuminsa bek. Y mas cu claro e ta costa placa.
E ladronnan aki no ta ken cu ta, paso nan a pasa man pa e sistema cu ta graba, dus e DVR y asina pa no laga ningun evidencia.
Nos pregunta pa kiko haci un instancia asina aki e daño aki ?
Nan no a bin pa e placa so, esaki ta un acto di mala fe.
Un suplica ta bay pa cualkier cu por a mira algo of sa algo contact Polis su Tiplijn of yama e Sanctuario mes.
Esaki no por.