132
E siman aki habitantenan di Mabon/Brazil lo bira super feliz na momento cu nan mira nan deseo di añanan bira un realidad. Segun Alan Howell, el a drenta den politica pa haci un diferencia y esey lo sigui ta su vision y mision. “Den Parlamento mi a haci na varios ocasion peticion na Minister Oduber pa cumpli cu deseonan di nos pueblo y muy especial mi hendenan di pariba di brug y San Nicolas. E siman aki ta toca turno di e bario di Mabon/Brazil pa e cayanan wordo asfalta. Asina aki minister Oduber ta demostra cu e ta traha duro y e ta cumpli cu deseonan di pueblo. Un danki tambe pa DOW cu ta pushando hopi trabou tras di otro. Habitantenan di Rooi Master keda pendiente! Together We Can Make It Better”, Alan Howell a finalisa bisando.
