Tanki Leendert – Dialuna merdia polis ta bay e caya patras di Digicel Tanki Leendert, pa un accidente serio entre un brommer cu auto.
E brommer Kawasaki bayendo direccion pariba esta pa rotonde di Tanki Leendert a bira na su man drechi, posiblemente pa evita trafico.
Loke e no a tene cuenta cune tawata e bocht cu tin eytras.
Net e momento eynan tawata bin un auto Hyundai maneha pa un dama, y aki e brommer a dal frontal contra e auto.
Ela haya slanan serio na cabes, y esaki tawata e motibo tambe pa polis pidi ambulance cu mas urgencia.
E motociclista a keda benta cerca di un cura di cas cu su man na cabes. Algun persona cu a mira loke a pasa a bay mesora cerca e motociclista.
Na yegada di Paramediconan, nan lo a mira e seriedad di e golpi na cabes y e prepare lihe y sali cune direccion hospital.
Mester bisa cu e motociclista tawata na tino, pero ta ser papia di sla basta serio na cabes.
Instancianan manera BFTO (departamento tecnico di polis) y slachtofferhulp a wordo poni na altura.
