Zeewijk – Diadomingo den oranan di mainta polis a bay e beach na Zeewijk, pa tira un bista ariba un reda den lama y cu lo tin Turtuga pega den dje.
For di tera polis no por a haci mucho, pero si tawata mira e reda. E informacion aki a drenta den oranan di mainta, cu un persona lo a benta reda y causa cu varios animal e bay pega aden. Posiblemente esey mes tawata e intencion, algo cu ta ilegal tambe.
Turtuga Aruba a wordo avisa y nan a presenta basta lihe na Zeewijk. Cu ayudo di un piscado nan a bay e area mas leu den lama y asina logra libera un grupo di Turtuga pega.
Tawata trata di cinco Turtuga, di cual uno no a make it. E personal despues di a liberanan lo ponenan bek den lama unda nan ta pertenece.
Te awor niun hende por bisa ken a benta e reda eynan.
Na canto un colega Richard Laclé a yuda un piscado rek e reda trece canto y saca e bestianan pega.
Si abo of conoce un hende cu a mira algo di ken por a benta e reda aki na Zeewijk lo ta bon pa contact autoridad.