Diabierna mainta miembronan di Fraccion di POR den Parlamento, Marisol Lopez-Tromp y Alan Howell tabata presente na e inicio di e sesion informativo di e bid walk pa cu proceso di RFP.
Riba invitacion di Ministerio di Desaroyo Teritorial, Infrastructira y Medio Ambiente nan a scucha e presentacionnan riba e tema importante di maneho di desperdicio e mainta aki. Un tema di gran importancia no solamente pa e parti medio ambiental di nos isla, pero tambe pa loke ta e parti di salubridad y desaroyo general di cada ciudadano cu ta biba na Pais Aruba.
Lopez-Tromp despues di e presentacionnan a indica cu e tema di dump ta bay basta aña atras unda cu semper tabatin e intencion di elimine y bin cu alternativanan. E sesion informativo a mustra na un forma hopi transparente e proceso cu ta canando akin a Aruba unda cu expertonan a presenta e procedura na un sala yen pa di e forma aki e diferente actornan den e parti di maneho di desperdicio por a haya diferente informacion riba e topico aki. Algun punto a toca e parti labor, incluyendo derecho di e trahadornan. Tambe e parti di tereno, es decir, unda e ta bay ta ubica, kico ta e reglanan y tambe e parti tecnico y e proceduranan cu nan ta realisando na e momentonan aki.
Comision permanente di Infrastructura den Parlamento lo keda monitorea e proceso aki di cerca pa keda mantene Parlamento na altura di su desaroyo.
