Scheurnan observa na ruina di Bushiribana, a causa cu mester a pone baricada pa turistanan no drente

 Tawata den oranan di diabierna mainta cu un Tour Guide a avisa polis, di algun scheur of krak cu lo a cuminsa forma den e piedranan di e ruina.

Polis cu a bay e sitio a avisa D.OW tambe y nan tambe a presenta pa pone baricadanan.

Segun nos a compronde, e scheurnan/krak ta na e “porta” y e bentana cu bista pa lama.

Instancianan cu ta esnan encarga cu monumentonan lo tin di bay sinta na mesa cu expertonan y mira con ta bay fix e situacion.

Bushiribana ta un sitio bishita diariamente door di masha hopi turista mes. Pues mester dreche na tempo pa asina evita un desgracia cu lo por afecta nos turismo.