Aruba Astro Research Int. asociacion nacional arubano di astronomia pa medio di Sr.Marcos Bislip ta informa na comunidad arubano cu Dia 21 di Januari 2019 Aruba y henter nos region lo experiencia un bunita evento celestial Eclipse Total di Luna Saros 134.Paisnan cu lo observa e eclipse total di luna aki ta
nort y sur america, europa y parti pabou, mei mei y pariba di e continente di africa y asia lo observa solamente e parti parcial di e eclipse esta un eclipse parcial di luna.
E penumbra di e eclipse di luna lo inicia Diadomingo Dia 20 di Januari pa 10:36 di anochi esaki ta e sombra leve di nos planeta tera y tambe e parti parcial di eclipse ta inicia pa 11:33 di anochi.
Mientras cu Dialuna Dia 21 di Januari 2019 pa 12:41 di marduga e eclipse total di luna lo inicia e luna ta bai den eclipse total y e luna ta bira color oranjo pa bruin cora y e parti maximo di e eclipse total lo tuma lugar pa 1:12 di marduga y e eclipse total mes lo termina pa 1:43 di marduga y e parcial lo termina pa 2:50 di marduga y e penumbra lo termina pa 3:48 di marduga tur di nan ta ariba Dialuna Dia 21 di Januari 2019.
E evento di Eclipse Total di Luna Saros 134 ta bai ta hopi importante paso e luna ta bai ta den Perigee esta na un distancia mas serca di planeta tera pa cu Anja 2019 esta den Supermoon na un distancia di solamente 357,342 km cual ta 222,042 miya, tambe ta bai tin Luna Yen ora cu e superficie di e luna su disc ta mas cu 98% ilumina pa e claridad di e solo pero den e caso aki ta cu ta e sombra di nos planeta tera lo cubri e luna.Pa 1:16 am net cuater minuut despues cu e luna a bai den su totalidad maximo e luna ta drenta full luna yen loke nos ta bai observa ta un luna color oranjo pa bruin cora esei ta e sombra di nos planeta tera su atmosfera nos planeta na cierto area na mundo ta pasa dilanti di e luna na unda e ta blokia e claridad cu ta bin directo for di e solo pa e luna e color oranjo ta ora cu planeta tera ta blokia e lus cu ta bin for di e solo y ta sombra di lus di nos planeta tera ta refleha ariba e superficie di e luna e tin di haci cu refleccion di lus si ta observa of saca potret cu un telescope of verkijker loke bo ta bai hanja ta solamente un sombra preto esta umbra y sombra leve ta shinishi si e ta penumbra esaki ora bo ta usa close-up e ora bo no ta hanja e refleccion di lus y sombra di planeta tera pa cu e lusnan cora cu ta pasa via di nos atmosfera y cubri e luna su superficie ora e ta den totalidad ora e lus di sombra bai bek pa parcial si e ta bira sombra preto te ora e parcial termina.
Aparte di e eclipse nos ta bai tin un Supermoon, un Fullmoon y un Bloodmoon.
E nativonan americano ta jama e Luna Yen di Januari Full Wolf Moon.
Magnitud di e eclipse ta bai ta di 1.195.
Magnitud di penumbra di e eclipse ta di 2.168.
E duracion di e eclipse su proceso total ta di 5 ora y 12 minuut.
E duracion di e fase parcial ta di 2 ora y 15 minuut.
Duracion di e eclipse total mes ta di 1 ora y 2 minuut.
Spera cu e tempo coopera cu nos na Aruba tambe por observa un otro Eclipse Total di Luna perfecto 100%.E evento di eclipse por wordo observa tur caminda na Aruba, e ta bai ta laat den oranan di anochi di Diadomingo Dia 20 di Januari 2019 y den e prome oranan di marduga di Dialuna Dia 21 di Januari 2019.E siquiente Eclipse Total di Luna den nos region y hemisferio ta bai ta Saros 131 aki tres Anja Dia 16 di Mei 2022 cu maximo duracion di 1 ora 24 minuut e lo tuma lugar pa 12:11 mei anochi na Anja 2022.
E Eclipse Total di Luna Saros 121 Dia 26 di Mei 2021 nos na Aruba por observa solamente e comienso di e penumbra y parcial despues di esei nos no ta bai observa e eclipse total paso e luna na e momento ey a baha na horizonte y ta bai ta e eclipse mas cortico den duracion solamente 24 min.
Un eclipse similar na esun di Saros 134 di Dia 21 di Januari 2019 lo tuma lugar atrobe den nos region y hemisferio te na Anja 2289 Dia 4 di Juli e mesun famia Saros 134 te aki 270 Anja.
Aruba Astro Research Int. lo cubri e evento aki dor di saca potret y haci filmacion di e evento celestial y lo purba di transmiti e evento celestial aki di eclipse pa henter mundo.
Nos website ta www.arubaastroresearch.webs.
Pa mas informacion relaciona cu e Eclipse Total di Luna Saros 134 Dia 21 di Januari 2019 por tuma contacto cu Sr.Marcos Bislip na centro di observacion astronomico nacional di Aruba esta ATSOC Aruba Time & Space Observation Center na unda e famoso conteo di fin di Anja ta tuma lugar y na unda tur informacion di astronomia na Aruba ta wordo procesa Marcos kende ta astronomo y experto ariba tereno di eclipse di solo y luna y astronomia aki na Aruba for di Anja 1997 te cu awe y tin 28 Anja di experiencia y a organisa e Eclipse Total di Solo na Aruba na Februari 26 1998 y na 1999 a bai representa pais Aruba den e team mundial di expertonan y astronomonan na mundo di NASA y IAU y te awe ta parti di IWGE por contact Marcos na telefon 5657884 of via email na [email protected]
Atentamente,
Marcos Bislip
Presidente di AAR
Miembro astronomo di team e di NASA y IAU IWGE
Director nacional pa cu astronomia y eclipse na Aruba.