Home » Rocco Tjon: Delegacion Arubano satisfecho cu lista di palabracion IPKO 2019

Rocco Tjon: Delegacion Arubano satisfecho cu lista di palabracion IPKO 2019

by Admin
0 comment 74 views

 

 

Na ciere di e conferencia Interparlamentario di Reino a firma un lista di palabracion. Aruba a keda satisfecho cu e palabracionnan haci riba e diferente temanan cu e paisnan tin en comun.

 

GESCHILLENREGELING

Pa loke ta e “geschillenregeling”, cual mester wordo sigui ora tin conflicto entre paisnan den Reino, delegacion Arubano a keda satisfecho cu palabracionnan haci. Mester respeta e punto di salida di tur pais y ta importante pa nota cu niun pais no a distancia nan mes di e mocion van Laar, den cual e 3 principionan na cual e “geschillenregeling” mester cumpli cun’e. Delegacion Hulandes a bisa cu awor lo inicia e proceso di tratamento di e ley y den cuadro di esaki lo studia y tene cuenta cu tur documento relevante na e topico. Documentonan cu a wordo trata y formula durante IPKO y documentonan di Parlamento Hulandes, manera e mocion di Laar.

 

SITUACION VENEZUELA

Pa loke ta e situacion na Venezuela y su implicacionnan e delegacionnan a palabra specificamente cu lo haci pregunta na tur e paisnan pa presenta nan plan. Asina cada Parlamento lo haya sa cua aspecto e paisnan en cuestion mes por atende cun’e y cua aspecto mester conta cu ayudo di Reino.

Na mesun momento tambe e delegacion Hulandes lo haci pregunta na gobierno Hulandes pa haya sa posibilidadnan pa Aruba y Corsow wordo incorpora den e programa di Eurolat.

 

PA CONCLUI

Tin dos grupo di trabou a wordo implementa cu mester bay sondea y traha riba recomendacionnan pa e bon funcionamento di Reino. E “geschillenregeling” lo wordo trata na juni venidero den 2e kamer na Hulanda. E delgacionnan Caribense lo sigui reuni aworaki pa hunto yega na un amienda pa esaki forma parti di e “geschillenregeling”. Tin confiansa cu na e mesun manera cu a incorpora e aspecto di “geschillenregeling” den nos statuut, atraves di un amienda na aña 2010 di sr. Thijsen y Wever, lo adapta e “geschillenregeling” atraves di un amienda pa e cumpli cu e mocion di Laar.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio