Home Police VIDEO ATTACHED: Despues di eleccion di Prins cu Pancho di Carnaval...

VIDEO ATTACHED: Despues di eleccion di Prins cu Pancho di Carnaval 65, hoben ta wordo hinca den barica

Harbour Arena – Diasabra algo prome 12’or mey anochi, polis a wordo informa di un pelea formal na Harbour Arena unda eleccion di Prins cu Pancho a tuma luga.

Mesora varios patruya a cuminsa bay e sitio. Na nan yegada, tawata net ora e evento di Carnaval 65 a caba y tawata tin un multidad grandi di henda saliendo.
Asina mes, den algun minuut cu nan a yega nan a wordo informa cu un hoben a wordo hinca cu un boter kibra

E boter lo a hinke den barica banda drechi, mesora algun hende eybanda a pone sinta. Polis mesora a pidi pa un ambulance. Na mes momento nan ta detene e hoben cu lo a comete e acto serio aki.

Ela ser hinca den patruya, mientras transportwagen tawata na caminda.

Despues di algun minuut ambulance tambe a yega y prepara e hoben herida pa hospital.

Segun informacionnan ricibi.
E dos hobennan aki for di oranan mas trempan di anochi tawata tin problema cu otro.
Personal di seguridad di e evento a hala nan atencion, cu si nan no comporta nan lo wordo saca afo.

Aparentemente nan a para keto pa e ora ey, y manera e evento di Prins cu Pancho a caba lo a start un bringamento formal na salida. E momento ey un di e hobennan a pasa man pa un boter kibra y hinca e otro hoben den su abdomen banda drechi.

Casonan asina ta sumamente lamentabel, caminda dos hoben ta bringa y cos ta bay asina leu di hinca otro. Ta algo cu por a termina fatal tambe.