Home Police Polis ta detene chauffeur burachi, cu a perde control y a dal...

Polis ta detene chauffeur burachi, cu a perde control y a dal contra un cura di cas

SHARE

Rooi Bosal: Diadomigo banda di 5’or di atardi, patruya di Santa Cruz y polis di trafico, cu urgencia ta bay direccion di Rooi Bosal pa un accidente, cu na e prome instante a drenta e informacion cu un auto lo a bolter y cu tin hende herida.

Na yegada polisnan ta topa cu un Toyota Tercel Blanco para parcialmente riba caminda, e auto tabata tin basta daño material, e auto no a bolter y ni tabata tin hende herida.

E chauffeur tabata bou influencia, aparentemente lo tabata biniendo cu velocidad halto y a perde control, ela baha caminda y a dal contra un cura di cas. E daño material tabata na e banda di pasahero, na e parti dilanti.

Polis a nota cu e chauffeur tabata bou influencia, mesora a detene y a transporte pa warda di polis.