Home Police Despues di un persecusion, polis ta detene tres persona ilegal den un...

Despues di un persecusion, polis ta detene tres persona ilegal den un pickup

SHARE

Polisnan ta sigui detene ilegalnan riba nos isla y ta pasa nan pa Guarda nos Costa cu ta regla nan deportacion.

Noord, Boroncana: Diabierna den oranan di atardi durante patruya, polisnan di districto di Noord ta nota cu un chauffeur di un pickup a haci hopi sospechoso ora ela mira e auto di polis, den e pickup tabata tin dos ocupante mas, mesora polis a siguie.

E chauffeur a ranca bay y asina a cuminsa un persecusion, e agentenan policial a cende e sirena di patruya, tambe via loudspeaker a exigi e chauffeur di e pickup pa para.

Dilanti un cas na Boroncana e pickup a para y e agentenan policial mesora a actua pa no duna niun di tres persona chens pa bandona e sitio.

Tur tres a wordo deteni y a bin resulta cu e tres personanan aki ta ilegal riba nos isla. Polis a entreganan den man di Guarda nos Costa pa asina regla nan deportacion mas liher cu ta posibel.