Home » Caso Ibis ta bay ta den Corte, 23 sospechoso lo mester presenta dilanti hues

Caso Ibis ta bay ta den Corte, 23 sospechoso lo mester presenta dilanti hues

by Admin
0 comment 54 views

Oranjestad: Segun vocero di Ministerio Publico, Dialuna 14 di Januari 2019, pa 9’or di mainta lo inicia cu e caso IBIS den corte. E caso aki lo dura henter siman, durante e caso aki, 23 sospechoso lo mester presenta dilanti hues.

Entre e sospechosonan cu mester presenta ta R.A. cu ta wordo sospecha di a tuma regalo/promesa y pa labamento di placa. E sospechoso E.C. ta wordo sospecha di labamento di placa y complice activo di soborno. E sospechoso S.A. pa tuma regalo/promesa, estafa, falsificacion. E sospechoso M.P. ta wordo sospecha di traficacion di hende y labamento di placa. E sospechoso F.S. ta wordo sospecha di soborno di ambtenaar y den posesion di documentonan falsifica y e sospechoso A.V. ta wordo sospecha di falsificacion.

Den e caso Ibis e sospechoso principal ta ex Minister Paul Croes, cu tin varios sospecho riba su persona. PFTC, ta wordo sospecha di tumamento di regalo/promesa, labamento di placa, traficacion di hende, falsificacion y malversacion.

Tur esakinan lo mester a sosode den e periodo di januari  2014 pa 27 maart 2017. Ex Minister Paul Croes a keda deteni na Augustus 2017 y te hasta a dune beperking cu e no por a ricibi niun bishita durante cu e tabata cera, memey di November ela wordo laga den libertad, caminda cu e por a bolbe reuni cu su famia y amistadnan. Paul a keda den libertad pendiente su caso y awo despues di mas cu un aña ta wardando, Ex Minister Paul Croes su caso lo bin dilanti.

E siman aki tur atencion lo ta bay ta riba e caso aki den corte, tur hende lo ta bay ta pendiente di e resultado, nos di Arubanative.com ta extende nos palabranan di hopi forsa na tur e abogadonan, hues y tambe e sospechosonan, especialmente Ex Minister Paul Croes. Cu Dios mediante sano huicio prevalece y cu e hues dicta un sentencia husto.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio