Home Police Accidente di trafico cu hopi daño material na entrada di Divi Phoenix

Accidente di trafico cu hopi daño material na entrada di Divi Phoenix

Palm Beach – Diabierna algo prome cu 12’or mey anochi un accidente ta sosode den e entrada di Divi Phoenix.

Mirando e impacto duro a pensa cu lo por tin hende herida, pero na yegada di patruya ela constata cu esey no ta e caso.

Mesora agentenan di strand politie a constata bastante daño material.
Na e sitio chauffeur di e Glanza a bisa nos cu e tawata bayendo direccion nort, y dado momento a bay pasa e Nissan Versa V-car.

Pero pa mala suerte e Versa a cuminsa hala na su man robes, pa bay drenta Divi Phoenix causando cu chauffeur di e Glanza a bay maniobra rancando e bumper di e Versa. Y despues a pasa over algun baranca y bay caba di dal contra un palo di luz.

Por a mira cu e airbag di e Glanza a bula, indicando un impacto basta duro contra e palo di luz. B

Esnan manehando e Versa v-car ta turista procedente di Venezuela.

Takelwagen a wordo pidi pa hala e autonan for di caminda.