64
Diaranson anochi e directiva di Brazil Taekwondo Stichting a reuni y a atende varios punto pa 2019.
Awo aki a papia tocante di e team cu ta preparando pa e di 8 TK5 na Surinam, pasobra a logra forma un team dinamico pa bay Surinam.
Kiko tur por spera di Brazil Taekwondo Stichting den aña 2019? Tin hopi reto dilanti porta y mester dicidi e rumbo cu kier bay despues di cada resultado. Korea tin su fecha cla poni caba y ta bay participa den e campeonato na Korea y un camp training. Despues di Korea no ta sigur ainda unda lo bay mirando cu mester warda ariba resultado pa asina plania miho. Best of the Best tin un reto mas grandi e aña aki mirando e exigencianan cu a presenta. Esaki a pone cu nos ta bay pone mas enfacis ariba e seleccion di Aruba.
Brazil Taekwondo Stichting ta bay cumpli 25 aña dia 18 di Augustus y ta bay celebra esaki na grandi. Despues di dia 3 di Maart lo ranca start cu tur e actividadnan cu tin pa aña 2019, cuminsando cu e prome campeonato dia 13 di April. Tambe a trata e caso di famia Lowe.
Brazil Taekwondo Stichting su team ta cla pa dia 19 di Januari pa e campeonato nacional di Aruba Taekwondo Bond di dia di Betico.